Historik i shkurtër mbi Pronësinë Industriale në Shqipëri

Pronësia Industriale në Shqipëri i ka fillimet e saj në vitin 1920. Nga burimet arkivore të kohës mësojmë se tregtarët shqiptarë kanë qenë tepër të ndjeshëm ndaj ruajtjes së produkteve të tyre nga fallsifikatorët. Për të realizuar këtë gjë ata kërkonin mbrojtjen e prodhimeve të tyre me anën e rregjistrimit të Markës.Certifikata e parë e Rregjistrimit daton në 16 Prill 1920. Janë burimet arkivore ato që na mundësojnë të mësojmë se Shqipëria mund të renditet denjësisht krahas vendeve të rajonit e më gjëre si një vend ku Marka dhe rëndësia e mbrojtjes së saj nuk i kanë fillesat tani por qysh në  fillimet e shekullit të njëzetë. Sistemi  i saporeferuar më sipër pati fuqi deri në vitin 1944.

Në vitin 1957  Qeveria e asaj kohe me një vendim  të sajin njohu regjistrimin e Markave të huaja në Shqipëri. Në këtë vit Dhoma e Tregtisë plotësonte formalitetet dhe dokumentacionin përkatës për regjistrimin e markave tregtare të huaja në Shqipëri, në bazë të dispozitave ligjore në fuqi ” Dekreti Nr.2490 dt.22.07.1957, ndryshuar me dekretet Nr.3530 dt.02.07.1962 e Nr.4253 dt.11.04.1967 “Për Markat e Prodhimit dhe Tregtisë”. 

Me VKM nr.135 date 22.03.1993 u krijiua i Zyra e Patentave në vartësi të Komitetit të Shkences dhe Teknologjise per regjistrimin dhe mbrojtjen e patentave, markave tregtare dhe dizenjove industriale dhe emertimeve te origjines.

Në Prill të vitit 1994 u aprovua Ligji Nr. 7819 “Per Pronesine Industriale”, objekti i të cilit është të sigurojë dhënien dhe mbrojtjen e të drejtave të Pronësisë Industriale për këto objekte: Shpikjet dhe modelet e përdorimit, Markat tregtare dhe të shërbimit, Dizenjot industriale dhe Emërtimet e origjinës.

Në vitin 2000, veprimtaria e Drejtorisë së Patentave dhe Markave si Institucion Qëndror Publik, në vartësi të Këshillit të Ministrave, filloi me Vendimin e Këshillit të Ministrave Nr.313 datë 13.06.2000 “Për funksionimin e Drejtorisë së Patentave dhe Markave”.

Me LIGJIN Nr. 9525 date 25.04.2006 Drejtoria e Patentave dhe Markave bëhet institucion publik në vartësi të Ministrise se Ekonomise Tregtise dhe Energjitikes.
Ligji Nr.9947, Datë 07/07/2008, "Për Pronësinë Industriale", ka për qëllim rregullimin e sistemit të dhënies dhe të mbrojtjes së të drejtave të pronësisë industriale. Ky Ligj përmirëson ndjeshëm këtë sistem. 
Struktura dhe organika aktuale e Drejtorise së Përgjithshme të Patentave dhe Markave u përcaktua me urdhërin e kryeministrit, Nr. 126, Dt. 03.08.2007 “Për Miratimin e Strukturës dhe Organikës së Drejtorisë së Patentave dhe Markave”.Drejtoria e Përgjithshme e Patentave dhe Markave është Institucioni nëpërmjet të cilit shteti Shqiptar jep dhe administron të drejtën e pronësisë mbi shpikjet, modelet e përdorimit, markat tregtare dhe të shërbimit, dizenjot industriale dhe treguesit gjeografikë.